ספר יהושע - מעוצב ומפוסק

שנים וחצי השבטים חוזרים למקומם

פרק כ"ב

א. אָז יִקְרָא יְהושֻׁעַ
לָראוּבֵנִי וְלַגָּדִי וְלַחֲצִי מַטֵּה מְנַשֶּׁה:

ב. וַיּאמֶר אֲלֵיהֶם:
אַתֶּם שְׁמַרְתֶּם אֵת כָּל-אֲשֶׁר צִוָּה אֶתְכֶם משֶׁה עֶבֶד ה',
וַתִּשְׁמְעוּ בְקולִי לְכל אֲשֶׁר-צִוִּיתִי אֶתְכֶם:

ג. לא-עֲזַבְתֶּם אֶת-אֲחֵיכֶם זֶה יָמִים רַבִּים,
עַד הַיּום הַזֶּה.
וּשְׁמַרְתֶּם אֶת-מִשְׁמֶרֶת מִצְוַת ה' אֱלהֵיכֶם:

ד. וְעַתָּה הֵנִיחַ ה' אֱלהֵיכֶם לַאֲחֵיכֶם כַּאֲשֶׁר דִּבֶּר לָהֶם.
וְעַתָּה פְּנוּ וּלְכוּ לָכֶם לְאָהֳלֵיכֶם,
אֶל-אֶרֶץ אֲחֻזַּתְכֶם,
אֲשֶׁר נָתַן לָכֶם משֶׁה עֶבֶד ה' בְּעֵבֶר הַיַּרְדֵּן:

ה. רַק שִׁמְרוּ מְאד לַעֲשׁות אֶת-הַמִּצְוָה וְאֶת-הַתּורָה
אֲשֶׁר צִוָּה אֶתְכֶם משֶׁה עֶבֶד-ה',
לְאַהֲבָה אֶת-ה' אֱלהֵיכֶם וְלָלֶכֶת בְּכָל-דְּרָכָיו,
וְלִשְׁמר מִצְותָיו וּלְדָבְקָה-בו,
וּלְעָבְדו בְּכָל-לְבַבְכֶם וּבְכָל-נַפְשְׁכֶם:

ו. וַיְבָרְכֵם יְהושֻׁעַ וַיְשַׁלְּחֵם וַיֵּלְכוּ אֶל-אָהֳלֵיהֶם:

ז. וְלַחֲצִי שֵׁבֶט הַמְנַשֶּׁה נָתַן משֶׁה בַּבָּשָׁן,
וּלְחֶצְיו נָתַן יְהושֻׁעַ עִם-אֲחֵיהֶם (מְעֵבֶר) בְּעֵבֶר הַיַּרְדֵּן יָמָּה,
וְגַם כִּי שִׁלְּחָם יְהושֻׁעַ אֶל-אָהֳלֵיהֶם וַיְבָרְכֵם:

ח. וַיּאמֶר אֲלֵיהֶם לֵאמר:
בִּנְכָסִים רַבִּים שׁוּבוּ אֶל-אָהֳלֵיכֶם,
וּבְמִקְנֶה רַב-מְאד,
בְּכֶסֶף וּבְזָהָב וּבִנְחשֶׁת וּבְבַרְזֶל וּבִשְלָמות הַרְבֵּה מְאד,
חִלְקוּ שְׁלַל-איְבֵיכֶם עִם-אֲחֵיכֶם:

ט. וַיָּשֻׁבוּ וַיֵּלְכוּ בְּנֵי-רְאוּבֵן וּבְנֵי-גָד וַחֲצִי שֵׁבֶט הַמְנַשֶּׁה
מֵאֵת בְּנֵי יִשְרָאֵל מִשִּׁלה אֲשֶׁר-בְּאֶרֶץ כְּנָעַן,
לָלֶכֶת אֶל-אֶרֶץ הַגִּלְעָד אֶל-אֶרֶץ אֲחֻזָּתָם,
אֲשֶׁר נאחֲזוּ-בָהּ עַל-פִּי ה' בְּיַד-משֶׁה: