(ד) אֲנִי הִנֵּה בְרִיתִי אִתָּךְ וְהָיִיתָ לְאַב הֲמון גּויִם:
(ה) וְלא יִקָּרֵא עוד אֶת שִׁמְךָ אַבְרָם וְהָיָה שִׁמְךָ אַבְרָהָם
כִּי אַב הֲמון גּויִם נְתַתִּיךָ:
(ו) וְהִפְרֵתִי אתְךָ בִּמְאד מְאד וּנְתַתִּיךָ לְגויִם וּמְלָכִים מִמְּךָ יֵצֵאוּ:
(ז) וַהֲקִמתִי אֶת בְּרִיתִי בֵּינִי וּבֵינֶךָ וּבֵין זַרְעֲךָ אַחֲרֶיךָ לְדרתָם לִבְרִית עולָם
לִהְיות לְךָ לֵאלהִים וּלְזַרְעֲךָ אַחֲרֶיךָ:
(ח) וְנָתַתִּי לְךָ וּלְזַרְעֲךָ אַחֲרֶיךָ אֵת אֶרֶץ מְגֻרֶיךָ אֵת כָּל אֶרֶץ כְּנַעַן לַאֲחֻזַּת עולָם
וְהָיִיתִי לָהֶם לֵאלהִים:
(ט) וַיּאמֶר אֱלהִים אֶל אַבְרָהָם וְאַתָּה אֶת בְּרִיתִי תִשְׁמר אַתָּה וְזַרְעֲךָ אַחֲרֶיךָ לְדרתָם:
(י) זאת בְּרִיתִי אֲשֶׁר תִּשְׁמְרוּ בֵּינִי וּבֵינֵיכֶם וּבֵין זַרְעֲךָ אַחֲרֶיךָ הִמּול לָכֶם כָּל זָכָר:
(בראשית יז: ד-י)

(כד) וַיְהִי בַדֶּרֶךְ בַּמָּלון וַיִּפְגְּשֵׁהוּ ה' וַיְבַקֵּשׁ הֲמִיתו:
(כה) וַתִּקַּח צִפּרָה צר וַתִּכְרת אֶת עָרְלַת בְּנָהּ וַתַּגַּע לְרַגְלָיו
וַתּאמֶר כִּי חֲתַן דָּמִים אַתָּה לִי:
(כו) וַיִּרֶף מִמֶּנּוּ אָז אָמְרָה חֲתַן דָּמִים לַמּוּלת: (שמות ד: כד-כו)

(מג) וַיּאמֶר ה' אֶל משֶׁה וְאַהֲרן זאת חֻקַּת הַפָּסַח כָּל בֶּן נֵכָר לא יאכַל בּו:
(מד) וְכָל עֶבֶד אִישׁ מִקְנַת כָּסֶף וּמַלְתָּה אתו אָז יאכַל בּו:
(מה) תּושָׁב וְשָׂכִיר לא יאכַל בּו:
(מו) בְּבַיִת אֶחָד יֵאָכֵל לא תוצִיא מִן הַבַּיִת מִן הַבָּשָׂר חוּצָה וְעֶצֶם לא תִשְׁבְּרוּ בו:
(מז) כָּל עֲדַת יִשְׂרָאֵל יַעֲשׂוּ אתו:
(מח) וְכִי יָגוּר אִתְּךָ גֵּר וְעָשָׂה פֶסַח לה' הִמּול לו כָל זָכָר וְאָז יִקְרַב לַעֲשׂתו
וְהָיָה כְּאֶזְרַח הָאָרֶץ וְכָל עָרֵל לא יאכַל בּו:
(מט) תּורָה אַחַת יִהְיֶה לָאֶזְרָח וְלַגֵּר הַגָּר בְּתוכֲכֶם: (שמות יב: מג-מט)

(ד) וְזֶה הַדָּבָר אֲשֶׁר מָל יְהושֻׁעַ כָּל הָעָם הַיּצֵא מִמִּצְרַיִם הַזְּכָרִים
כּל אַנְשֵׁי הַמִּלְחָמָה מֵתוּ בַמִּדְבָּר בַּדֶּרֶךְ בְּצֵאתָם מִמִּצְרָיִם:
(ה) כִּי מֻלִים הָיוּ כָּל הָעָם הַיּצְאִים
וְכָל הָעָם הַיִּלּדִים בַּמִּדְבָּר בַּדֶּרֶךְ בְּצֵאתָם מִמִּצְרַיִם לא מָלוּ:
(ו) כִּי אַרְבָּעִים שָׁנָה הָלְכוּ בְנֵי יִשְׂרָאֵל בַּמִּדְבָּר
עַד תּם כָּל הַגּוי אַנְשֵׁי הַמִּלְחָמָה הַיּצְאִים מִמִּצְרַיִם אֲשֶׁר לא שָׁמְעוּ בְּקול ה'
אֲשֶׁר נִשְׁבַּע ה' לָהֶם לְבִלְתִּי הַרְאותָם אֶת הָאָרֶץ
אֲשֶׁר נִשְׁבַּע ה' לַאֲבותָם לָתֶת לָנוּ אֶרֶץ זָבַת חָלָב וּדְבָשׁ:
(ז) וְאֶת בְּנֵיהֶם הֵקִים תַּחְתָּם אתָם מָל יְהושֻׁעַ
כִּי עֲרֵלִים הָיוּ כִּי לא מָלוּ אותָם בַּדָּרֶךְ: (ה: ד-ז)

(ט) וַיּאמֶר ה' אֶל יְהושֻׁעַ הַיּום גַּלּותִי אֶת חֶרְפַּת מִצְרַיִם מֵעֲלֵיכֶם
וַיִּקְרָא שֵׁם הַמָּקום הַהוּא גִּלְגָּל עַד הַיּום הַזֶּה: (ה: ט)